Қостанай облысында білім беру жүйесіне цифрлық шешімдерді белсенді енгізу жалғасуда. Цифрландырудың негізгі элементтерінің бірі оқу процесінің ашықтығын және мектеп пен отбасы арасындағы өзара іс-қимылды жақсартуды қамтамасыз ететін электрондық журналдар мен күнделіктер болды.
Аймақтың 7595-тен астам педагогтары қатысқан сауалнама нәтижелеріне сәйкес, BilimClass отандық платформасы оң баға алды: мұғалімдердің 82,5% оны пайдалануды өте маңызды деп санайды, бұл сенімділікті, қауіпсіздікті және кәсіби қоғамдастықтың болуын көрсетеді; мұғалімдердің 83% – дан астамы техникалық қолдау сапасын, жұмыс тұрақтылығын және интерфейстің ыңғайлылығын оң бағалады, 84,4% платформаны әріптестеріне ұсынуға дайын.
Ата-аналар да белсенділік танытты – 35 000 жуық адам BilimClass пайдалану туралы пікірімен бөлісті, пайдаланушылардың 80,5% жүйенің тұрақты жұмысын, 79,2% – тегін мобильді қосымшаның ыңғайлылығын, 79,1% интуитивті интерфейсті атап өтті. Жалпы, ата-аналардың 79% платформаны ұсынады. Респонденттер атап өткендей, электронды журналдар мен күнделіктерді енгізу мектеп пен ата-аналардың өзара іс-қимылын едәуір жеңілдетті, бағалау процесін ашық етті және педагогтар үшін қағазбастылық көлемін қысқартуға мүмкіндік берді. Зерттеу нәтижелері растайды: Қостанай облысының білім беру саласындағы цифрлық трансформация сенімді қарқынмен дамып келеді. Bilimclass платформасын пайдалану қазіргі мектептің ажырамас бөлігіне айналады және тиімді, технологиялық білім беру ортасын қалыптастыруға елеулі үлес қосады.
